Prokuroria kërkon 30 ditë paraburgim për përsonin që rrahj me rrip gruan e tij

93
prokuroria-kerkon-30-dite-paraburgim-per-personin-qe-rrahj-me-rrip-gruan-e-tij

E rrahu me rrip gruan e tij shtatzënë, Prokuroria kërkon 30 ditë paraburgim.

Prokuroria Themelore e Gjakovës ka kërkuar një muaj paraburgim për burrin i cili e kishte rrahur gruan e tij shtatzënë me rrip.
A.B, më 26 gusht në shtëpinë e tyre të përbashkët në Gjakovë, e kishte goditur me rrip në pjesë të ndryshme duke i shkaktuar lëndime trupore T.J.G, (shtetase hungareze).

Për shkak të dhunës kishte tentuar të ikte për në Hungari, por gjakovari i ishte vënë pas duke e kthyer dhunshëm në shtëpi duke e mbyllur në dhomë, njofton Prokuroria Themelore e Gjakovës.

Njoftimi i plotë:

Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit A.B., për shkak të dyshimit të bazuar se ka kryer veprën penale “Lëndim i lehtë trupor” nga neni 185 paragrafi 1 të KPRK-së.

Prokuroria njofton se, më 26 gusht 2022 në Gjakovë, konkretisht në shtëpinë e tyre të përbashkët, i pandehuri A.B., i shkakton lëndime trupore të dëmtuarës, T. J. G. (shtetase hungareze) viktimë e ndjeshme ,grua shtatzënë, me të cilën ishte duke bashkëjetuar.

Për shkak të dhunës së ushtruar ndaj saj në vazhdimësi nga i pandehuri, e dëmtuara kishte dalë nga shtëpia dhe kishte tentuar që të ikë për tu kthyer në shtetin e saj në Hungari, ku të njëjtës i është vënë pas i pandehuri duke e kthyer dhunshëm në shtëpi, të cilën e mbyll në dhomë duke e goditur me rrip në pjesë të ndryshme të trupit, me ç’ rast të dëmtuarës i shkakton lëndime trupore, sipas raportit mjekësor te lëshuar nga reparti i emergjencës së Spitalit Rajonal “Isa Grezda” në Gjakovë.

Prokurori i rastit ndaj të pandehurit A.B., ka kërkuar masën e paraburgimit në afat prej 30 ditësh, dhe i njëjti me urdhër të prokurorit gjenden në ndalim nga data 30 gusht 2022.