Dubois e nokauton kundërshtarin, e fiton titullin e kampionit të botës

29
dubois-e-nokauton-kundershtarin,-e-fiton-titullin-e-kampionit-te-botes

Daniel Dubois e ka nokautuar kundërshtarin Trevor Bryan në rundin e katërt të shtunën në Miami për ta marrë rripin e artë në peshat e rënda në WBA ‘regular’.

Ky është versioni më i ulët i kurorës WBA, i cili në përgjithësi nuk konsiderohet si titull i vërtetë i kampionit botëror, pasi të vërtetin e mban ukrainasit Oleksandr Usyk, i cili e kishte mundur Anthony Joshuan.

SIdoqoftë, kjo nuk e zbeh performancën impresionuese që e shfaqën dy boksierët mbrëmë, ku Dubois fitoi në diellin e Amerikës.

Meçi filloi me dominimin e Dubois në raundet e para.

Nga ana tjetër, Bryan ishte më aktiv në raundin e parë, ndërsa më pas veç mbrohej, para se të përfundonte në dysheme.

Dubois e nisi doniminim që në raundin e tretë dhe e dinte se fitorja ishte afër.

Ai më pas me një goditje të fuqishme me të majtën e plandosi në dysheme kundërshtarin.

Tash, 24 vjeçari shpreson që t’i hapën rrugët për t’u përballur me boksierë të njohur.

The post Dubois e nokauton kundërshtarin, e fiton titullin e kampionit të botës appeared first on GazetaPress.