Hapet aplikimi për shtesën 100 euro për studentë

34
hapet-aplikimi-per-shtesen-100-euro-per-studente

Qeveria e Kosovës ka bërë të ditur se është hapur aplikimi për mbështetje prej 100 euro për studentë të niveleve Bacherlor, Master dhe Doktoraturë.

Aplikimi është i hapur për të gjithë studentët aktivë dhe të rregulltë të cilët ndjekin studimet në ndonjërin prej institucioneve të akredituara publike apo private të arsimit të lartë në Kosovë.

Aplikimi për mbështetje bëhet në mënyrë elektronike, duke plotësuar formularin me të dhënat personale.

Të dhënat duhet të jenë të sakta dhe llogaria bankare duhet të jetë në emër të aplikuesit. Përndryshe, nëse të dhënat e plotësuara janë të pasakta, përfshirë numrin e llogarisë bankare, atëherë aplikuesi nuk do të mund të përfitojë nga subvencionimi.

Aplikimi për mbështetje nga kjo masë do të jetë i hapur nga data 7 maj 2022 deri më 3 qershor 2022.

”Studentët të cilët kanë përfituar nga ndonjë prej masave të tjera të prezentuara nga Qeveria në kuadër të mbështetjes shtesë për qytetarët nga 100 euro, nuk mund të përfitojnë sërish”, thuhet në njoftimin e Qeverisë./21Media

The post Hapet aplikimi për shtesën 100 euro për studentë appeared first on .