Munishi tregon arsyen pse nuk është më trajner i Gjilanit

42
munishi-tregon-arsyen-pse-nuk-eshte-me-trajner-i-gjilanit

SC Gjilani njoftoi sot zyrtarisht për ndërprerjen e bashkëpunimit me Ismet Munishin.

47-vjeçari ka thënë se deri te ndarja e rrugëve erdhi pas mos arritjes për t’u shpallur kampion në Kosovë, shkruan Gazeta Express.

Trajneri kosovar përmes një postimi në “Facebook”, ka falënderuar presidentin e klubit gjilanas, Florim Zukën, dhe tifogrupin “Skifterat”.

Mes tjerash, Munishi u shpreh krenar që ishte trajner te Gjilani.

Postimi i plotë nga Munishi (pa ndërhyrje):

“Prej ditës së parë deri më sot isha shumë krenarë që isha në bankinën e klubit të madh SC Gjilani!

Falenderoj presidentin Florim Zuka për mundësinë dhe përkrahjen që ma dha,tifozërinë Skifterat që së bashku ndajtem gezime e kohëve te fundit edhe hidhërime për fat te keq !

Kush me njeh e din se e boj punën me zemër dhe përkushtohem 100%, por për fat të keq kjo nuk ishte e mjaftueshme që ne të dalim kampion për qka edhe vendosem ti ndajm rruget.

E falenderoj stafin për bashkëpunimin shumë të mirë që kishim dhe ju deshiroj suksese ne Evropë.

Dhe ne fund qershinë e kam për futbollistët e mi që i dua shumë dhe i lus te vazhdojnë me krenari, ti mbrojn ngjyrat e klubit të madh SC Gjilani!”. /Gazeta Express/

 

The post Munishi tregon arsyen pse nuk është më trajner i Gjilanit appeared first on GazetaPress.