Ukraina mbush pyetësorin për statusin e vendit kandidat të BE-së, Kievi: Presim procedurë të përshpejtuar

49
ukraina-mbush-pyetesorin-per-statusin-e-vendit-kandidat-te-be-se,-kievi:-presim-procedure-te-pershpejtuar

Qeveria Ukrainase ka përfunduar përpilimin e pyetësorit për të marrë statusin e vendit kandidat për në BE.

Lajmin e bën të ditur zyra e Presidencës e vendit që prej 53 ditësh po përjeton makthin e luftës dhe shkatërrimit nda agresioni i Federatës Ruse.

“Presim një rekomandim pozitiv nga ana e Komisionit Europian, dhe më pas topi do të kalojë te secili vend. Në qershor do të mbahet një mbledhje e Këshillit Europian, ku presim që Ukraina të marrë statusin e vendit kandidat”, deklaroi sot Igor Zhovka, numri 2 i Presidencës ukrainase.

Pyetësori është një nga hapat e shumtë që Ukraina duhet të plotësojë për të arritur anëtarësimin e plotë në BE, siç e di mirë edhe Shqipëria, por bashkëpunëtori i ngushtë i presidentit Volodymyr Zelensky shtoi se Kievi pret edhe një procedurë të përshpejtuar anëtarësimi. Nuk kemi luksin e 10-15 viteve negociatash. Pjesa më e madhe e shteteve na përkrah”.

Gjatë një vizite domethënëse në Kiev më 8 prill, presidentja e Komisionit Europian Ursula Von der Leyen i dorëzoi presidentit ukrainas Volodymyr Zelensky një pyetësor për ta plotësuar, si pjesë e procesit të gjatë të anëtarësimit në BE, duke i dhënë mundësinë e një hapi konkret të rëndësishëm atij vendi.

The post Ukraina mbush pyetësorin për statusin e vendit kandidat të BE-së, Kievi: Presim procedurë të përshpejtuar appeared first on GazetaPress.