Mbi 30 për qind e infrastrukturës së Ukrainës është dëmtuar nga pushtimi rus

44
mbi-30-per-qind-e-infrastruktures-se-ukraines-eshte-demtuar-nga-pushtimi-rus

Lufta në Ukrainë ka sjellë dëme të mëdha.

Të paktën 100 miliardë dollarë dëme, ministri ukrainas flet për shkatërrimin e vendit nga pushtimi rus

Më shumë se 30 për qind e infrastrukturës së Ukrainës është dëmtuar nga pushtimi rus i vendit për gati dy muaj, ka thënë një ministër ukrainas, duke cituar një vlerësim të përafërt të kostos.

Në një formë ose në një tjetër, e gjithë infrastruktura e transportit të vendit ka “vuajtur” gjatë luftës, tha për Reuters ministri ukrainas i Infrastrukturës Oleksandr Kubrakov.

Në përgjithësi, 20% deri në 30% e të gjithë infrastrukturës së vendit është dëmtuar ose shkatërruar në shkallë të ndryshme.

Dëmi arrin në 100 miliardë dollarë, theksoi ministri.

Nëse këtyre do t’i shtojmë kostot në ndërtesat industriale, por edhe për banesat, kostoja mund të arrijë në 500 miliardë dollarë.

Në veçanti për urat, përllogaritjet flasin për 300 ura në rrjetin rrugor kombëtar, të cilat ose janë dëmtuar ose janë dëmtuar rëndë.

Edhe 8 mijë kilometra të tjera rrjeti rrugor kanë nevojë për riparim apo rikonstruksion me kohën e përfundimit “nëse punojmë shpejt”, tha ministri.