U gjet me 13 qese marihuanë, paraburgim për të dyshuarin në Gjilan

20
u-gjet-me-13-qese-marihuane,-paraburgim-per-te-dyshuarin-ne-gjilan

Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 (tridhjetë) ditë të pandehurit E. L.

Ekziston dyshimi i bazuar se me datë 28.09.2021, rreth orës 13:30 minuta, në rrugën “Rafet Isufi” në fshatin Velekincë, Komuna e Gjilanit, derisa Policia e ndalin për ta legjitimuar të pandehurin, ky i fundit  e godet policin dhe arrit të shmangej dhe policia i vihen pas dhe e kapin. I pandehuri reziston aktivisht megjithatë Policia arrijnë ta vejnë në nën kontroll dhe e arrestojnë, dhe gjatë kontrollit në trupin e tij gjejnë 13 qese të ndara me narkotikë të llojit “marihuanë” e që për nga qëllimi dhe gjetja e narkotikut në 13 qese ishin të destinuara për shitje.

Me këto veprime, i pandehuri dyshohet të ketë kryer veprat penale ‘blerja, posedimi, shpërndarja dhe shitja e paautorizuar e narkotikëve, substanca psikotrope dhe analoge’’ dhe “sulm ndaj personit zyrtar”, vepra të sanksionuara me Kodin Penal të Republikës së Kosovës (KPRK).

Andaj, sipas vlerësimit të gjyqtarit të procedurës paraprake qëndrojnë arsyet ligjore për caktimin e paraburgimit ndaj të pandehurit, pasi që ekziston rreziku i ikjes sërish dhe do të ndikonte në zhvillimin me sukses të procedurës penale.