Messi stërvit me ekipin, në prag të ndeshjes ndaj Manchester City në Ligën e Kampionëve

101
messi-stervit-me-ekipin,-ne-prag-te-ndeshjes-ndaj-manchester-city-ne-ligen-e-kampioneve

Lionel Messi duket të jetë i gatshëm për ta ndihmuar Paris Saint-Germainin kundër Manchester City në Ligën e Kampionëve në mesjavë.

Messi ishte në dyshim për ndeshjen e së martës në fazën grupore në Parc des Princes, por ai ka stërvitur me skuadrën në dy ditët e fundit dhe pritet të ftohet nga trajneri Mauricio Pochettino.

Superylli argjentinas e pësoi një dëmtim në gju në fitoren e PSG-së kundër Lyonit para nëntë ditëve dhe si pasojë mungoi në dy ndeshjet e fundit kundër Metz (2:1) të mërkurën dhe ndaj Montpellier (2:0) të shtunën.

Por ai ka stërvitur në ditët e fundit së bashku me ekipin, përfshirë mëngjesin e sotëm.

Ai pritet të jetë në skuadrën e Pochettinos për takimin me ish-trajnerin Pep Guardiola, edhe pse nuk dihet nëse do të luajë titullar.

Ndërkohë, edhe Marco Verratti ka stërvitur me grupin dhe pritet të jetë pjesë e PSG-së për ndeshjen e nesërme mbrëma.

PSG-ja e nisi në mënyrë zhgënjyese sezonin e ri në garën elitare evropiane për klube, pasi u ndal me një barazim Brugge dhe do të kërkojë tri pikët e para të plota ndaj gjigantit dhe kampionit anglez.

 

The post Messi stërvit me ekipin, në prag të ndeshjes ndaj Manchester City në Ligën e Kampionëve appeared first on RahovecNET.