Agjencia e Ushqimit dhe Veterinarisë (AUV) ka njoftuar se me sukses ka arritur të menaxhojë sëmundjen Gripi i shpezëve Avian Influenca (H5N8), dhe nga sot lejohet lëvizja dhe tregtimi i shpezëve në Kosovë.
“Agjencia e Ushqimit dhe Veterinarisë bazuar në vlerësimet profesionale dhe ekzekutive për situatën epizootiologjike në lidhje me paraqitjen e sëmundjes Gripi i Shpezëve në Kosovë. Me sukses është menaxhuar dhe mposhtur sëmundja. Pas veprimeve të shpejta profesionale dhe me kohë, është arritur që sëmundja të menaxhohet”, thuhet në njoftimin e AUV-së.
Rasti i fundit pozitiv i diagnostifikuar nga Laboratori i Ushqimit dhe Veterinarisë është regjistruar më 20 qershor.
Sipas tyre tani janë plotësuar kushtet veterinare dhe afatet kohore ligjore për të liruar masat kundër sëmundjes.
“Me datë 07.07.2021 është mbajtur takim me përfaqësuesit e Shoqatës së Shpezëtarëve të Kosovës, jemi njoftuar për gjendjen e fermave të krijuar nga izolimi, nevojën e lejimit të lëvizjes së shpezëve nga fermat në tregje për t’u mundësuar ciklin e qarkullimit të ripopullimit të fermave me zogj. Mbi të gjitha pas vlerësimeve profesionale për situatën epizootiologjike, respektimit të afatit kohorë ligjorë nga paraqitja e rastit të fundit, AUV ka vendosur për shfuqizimin e vendimit AUV-Nr. 3927 për ndalimin e lëvizjes së shpezëve në R. e Kosovës”, thuhet tutje në njoftim.
Mirëpor, AUV ka theksuar se lëvizja dhe tregtimit i shpezëve duhet të bëhet gjithmonë duke respektuar rregullat për transport dhe shitje të përcaktuara me legjislacionin në fuqi./21Media
The post Nga sot lejohet tregtimi i shpezëve në Kosovë appeared first on .
