Rrahja brutale dhe therja me thikë në oborrin e shkollës në Prishtinë, Policia njofton se janë ngritur 3 kallëzime penale

36
rrahja-brutale-dhe-therja-me-thike-ne-oborrin-e-shkolles-ne-prishtine,-policia-njofton-se-jane-ngritur-3-kallezime-penale

Ditë më parë janë publikuar disa pamje të  një rrahje brutale që ka ndodhur në oborrin e shkollës “Dardania” në Prishtinë.

Aty shihet se një i mitur është grushtuar e shqelmuar nga disa nxënës, ndërsa i mituri që u sulmua po dyshohet për therje me thikë dhe është dërguar në paraburgim.

Policia e Kosovës sot ka njoftuar se lidhur me këtë rast janë arrestuar dhe intervistuar 13 persona, prej tyre 5 persona me urdhër të prokurorit kujdestar janë dërguar në qendër të mbajtjes,  ndërsa prej tyre 4 personave nga ana e Gjyqtarit të procedurës paraprake i është caktuar masa e paraburgimit.

“Me datë 28.05.2021 rreth orës 13:30 është raportuar se nga disa persona të dyshuar është sulmuar viktima (A.H) duke i shkaktuar lëndime trupore dhe më pas të dyshuarit janë larguar menjëherë nga ai lokacion. Në të njëjtën datë rreth orës 14:20 viktima (A.H) ka shkuar në lagjen Ulpiana në Prishtinë dhe ka sulmuar – therur me thikë të dyshuarin (B.G.) duke i shkaktuar lëndime trupore.  Lidhur me këtë ngjarje nga njësitet kompetente të stacionit policor Jugu në Prishtinë janë ndërmarr veprime ligjore me që rast iniciuar tri raste penale: “Sulm-lëndim trupor,  Lëndim i rëndë trupor dhe Kanosje, specifikuar sipas kodit penal të RKS-së”, thuhet në komunikatën e PK-së.Reklamë

Gjatë procesit intensiv të hetimit të rasteve dhe masave të ndërmarra nga Policia e Kosovës deri në këtë fazë është arritur që: janë intervistuar disa persona në cilësi të dëshmitarit, si dhe janë ngritur tri (3) tri kallëzime penale nga ana e hetuesisë së stacionit policor Jugu në Prishtinë.