5 persona gjuajnë me armë zjarri nga veturat në Podujevë

46
5-persona-gjuajne-me-arme-zjarri-nga-veturat-ne-podujeve

Policia e Kosovës ka arrestuar sot pesë persona në Batllavë të Podujevës, të cilët prej dy veturave të ndryshme, dyshohet se kanë shtënë në ajër dhe janë larguar nga vendi i ngjarjes.

Policia në Podujevë sot rreth orës 17:00 ka marrë informatë për të shtëna me armë në shatin Batllavë të Podujevës.

Pas kësaj janë arrestuar pesë persona, të cilëve u janë sekuestruar edhe armë zjarri.

Rastin për lajmi.net e ka konfirmuar zëdhënësja e Policisë për Rajonin e Prishtinës, Flora Ahmeti.

“Prishtinë, 31 maj 2021- Sot rreth orës 17:00, kemi pranuar informatën për gjuajtje me armë në fshatin Batllavë të Podujevës. Ka qenë reagimi i shpejtë i njësiteve policore të Podujevës, ai që ka rezultuar me ndalimin dhe arrestimin e 5 personave të dyshuar, të cilët prej dy veturave të ndryshme, dyshohet se kanë shtënë në ajër dhe janë larguar nga vendi i ngjarjes. Veturat e personave të dyshuar janë ndaluar në fshatin Lluzhan, ku nga ana e policisë janë gjetë dhe sekuestruar: – një armë automatike zjarri AK-47 me 9 fishekë, një pistoletë e tipit Ekol -T, me 5 fishekë si dhe një shkop”, ka deklaruar ajo.