Një video e publikuar së fundi tregoi dhunën e cila po shkaktohet në drejtim të fëmijëve të ndryshëm nëpër shkolla.
or nga Policia e Kosovës janë deklaruar së fundi duke theksuar se incidenti i ndodhur ditë më parë në lagjen ‘Dardania’ të kryeqytetit ka ndodhur jashtë objektit të hapësirave shkollore.
Por nga policia është theksuar se lidhur me këtë incident ku ishin të përfshirë disa nxënës, pas veprimeve operative hetimore ka identifikuar dhe arrestuar dy persona të dyshuar, ndaj të cilëve gjyqtari i procedurës paraprake iu ka vazhduar masën e paraburgimit prej 30 ditëve.
“Në incidentin i cili kishte ndodhur jashtë objektit dhe hapësirave shkollore, njëri prej nxënësve kishte pësuar lëndime trupore dhe ishte dërguar për trajtim mjekësor, përderisa Policia e Kosovës është duke vazhduar hetime intensive drejt identifikimit edhe të personave të tjerë të përfshirë në rast.Policia e Kosovës lidhur me këtë rast por edhe rasteve tjera të cilat kryesisht kanë ndodhur jashtë objekteve dhe hapësirave shkollore, e të cilat nuk janë ndërlidhur me procesin mësimor apo me sigurinë në shkolla, ka ndërmarrë dhe po vazhdon të ndërmerr veprime konkrete përmes planit operativ “ Siguria në Shkolla”.
Përmes këtij plani Policia e Kosovës synon parandalimin e incidenteve në shkolla dhe për rreth tyre si dhe ngritjen e mëtejme të sigurisë së përgjithshme përfshirë sigurinë në shkolla dhe rreth tyre”, thuhet në njoftimin për media.
Gjithashtu u theksua se policia ka angazhuar edhe njësi patrulluese me rroba civile, zyrtar sektorial dhe zyrtarë policor të njësisë së komunitetit të cilët organizojnë takime me drejtori të arsimit komunal, kujdestar të shkollave, me këshille komunale për siguri në bashkësi, siguri publike me këshille të prindërve si dhe në vazhdimësi mbajnë ligjërata të ndryshme në mënyrë që të sensibilizojnë nxënësit dhe të parandalohen dukuritë e tilla negative.
“Të gjitha këto plane, veprime dhe aktivitete policore janë në përputhje me Strategjinë e Integruar të Policimit të Drejtuar nga Inteligjenca dhe Policimit në Bashkësi, përmes të cilave synohet ngritja e mëtejme e sigurisë së përgjithshme, përfshirë edhe sigurisë në shkolla dhe për rreth tyre”.
Lidhur me rastin e fundit të dhunës fizike ndaj një nxënësi nga bashkëmoshatarët ka reaguar edhe Avokati i Popullit.
