Policia e Kosovës ka njoftuar se një burrë nga fshati Planej i Prizrenit ka vdekur si pasojë e lëndimeve që ka marrë nga rrokullisja e traktorit.
Në raportin e saj PK këtë rast e ka cilësuar si vdekje të dyshimtë dhe trupi i pajetë është dërguar në obduksion.
“Fsh. Planej, Prizren 28.05.2021 – 12:17. Raportohet se viktima mashkull kosovar gjersa ishte duke punuar me traktor, aksidentalisht është rrokullisur dhe si pasojë e lëndimeve ka ndërruar jetë. Me vendim të prokurorit, trupi i pa jetë i viktimës është dërguar në IML për obduksion”, thuhet në raport.
