Një aksident trafiku ka ndodhur sot në afërsi të Katedrales në Prishtinë.
Në aksident janë përfshirë dy automjete, ndërsa si pasojë e aksidentit tre persona kanë pësuar lëndime trupore.
Rastin për lajmi.net e ka konfirmuar zëdhënësja e Policisë së Kosovës, Flora Ahmeti, e cila ka thënë se me ngjarjen po merret njësiti i trafikut.
“Rreth orës 14:40, në afërsi të Katedrales në Prishtinë, ka ndodhur një aksident i komunikacionit rrugor në mes të dy automjeteve në lëvizje. Si pasojë e aksidentit, ndihmë mjekësore kanë kërkuar tre persona. Me rastin po merret njësiti i trafikut”, ka thënë Ahmeti.
Kujtojmë se gjatë katër ditëve të fundit ka pasur rritje të numrit të aksidenteve të trafikut.
