Tentoi t’i ndalë hajnat për të vjedhur shtëpinë e vëllait, pejani e pëson keq

82
tentoi-t’i-ndale-hajnat-per-te-vjedhur-shtepine-e-vellait,-pejani-e-peson-keq

Gjatë mbrëmjes së djeshme, një vrasje në tentativë ka ndodhur në fshatin Nobërgjan të Pejës.

Lajmi është bërë i ditur përmes raportit 24 orësh të Policisë së Kosovës, të cilët njoftojnë se një person që ishte plagosur me armë zjarri nga disa persona që kishin hyrë të maskuar në shtëpinë e vëllait është dërguar për tretman mjekësor në QKUK.

“Fsh. Nobërgjan, Pejë, 13.05.2021 – 21:15. Ankuesi mashkull kosovar është dërguar për tretman mjekësor në QKUK, pasi që ishte plagosur me armë zjarri nga disa persona të maskuar, të cilët kishin hyr në shtëpinë e vëllait të ankuesit (i cili jeton në Amerikë). Njësitet përkatëse policore janë duke hetuar rastin”, thuhet në raport.