Zyrtare: Finalja e Ligës së Kampionëve zhvendoset nga Stambolli në Porto

358
zyrtare:-finalja-e-liges-se-kampioneve-zhvendoset-nga-stambolli-ne-porto

Finalja e Ligës së Kampionëve mes Chelseat dhe Manchester Cityt do të zhvillohet në Portugali dhe në stadium do të lejohen të jenë të pranishëm nga 6 mijë tifozë prej secilës skuadër.

Finalja e 29-të majit u zhvendos nga Turqia në qytetin portugez, Porto, për shkak të kufizimeve të udhëtimit si pasojë e koronavirusit.

Në finalen e Ligës së Kampionëve përballen dy klube angleze, Chelsea kundër Manchester City, më 29 maj.

Portugalia është në listën e gjelbër të Anglisë, prandaj lojtarët dhe tifozët mund të shkojnë atje pa pasur nevojë të futen në karantinë kur të kthehen në shtëpi.

Turqia është në listën e kuqe të Anglisë.

Ky do të jetë viti i dytë radhazi që finalja e Ligës së Kampionëve zhvillohet në Portugali.

“Privimi i tifozëve nga mundësia për ta shikuar ndeshjen nga stadiumi nuk ishte opsion dhe unë jam i lumtur që është gjetur kompromis”, tha presidenti i UEFA-s, Aleksander Ceferin.

UEFA ende nuk e ka caktuar numrin e saktë të tifozëve që do të lejohen në stadiumin Dragao në Porto për këtë ndeshje finale, por tashmë është e qartë se 12 mijë adhurues do të jenë të pranishëm nga të dy skuadrat

The post Zyrtare: Finalja e Ligës së Kampionëve zhvendoset nga Stambolli në Porto appeared first on RahovecNET.