Presidenti slloven nuk tregon nëse iu është kërkuar garancë për ish-krerët e UÇK-së

53
presidenti-slloven-nuk-tregon-nese-iu-eshte-kerkuar-garance-per-ish-kreret-e-uck-se

Pahor në një konferencë të përbashkët për media me presidenten e vendit, Vjosa Osmani, nuk treguar nëse kanë pranuar ndonjë kërkesë për të ofruar garancë për mbrojtjen në liri të ish presidentit Hashim Thaçi dhe të akuzuarve të tjerë nga Zyra e Prokurorit të Specializuar, që ndodhen në paraburgim në Hagë.

“Nuk mund të them asgjë për këtë çështje”, është shprehur shkurtimisht Pahor.

Ai gjithashtu e ka komentuar edhe çështjen e dialogut Kosovë-Serbi duke thënë që “pushteti i ri në Kosovë duhet të jetë i gatshëm me tërë fuqinë që t’i jep dialogut një nxitje të re”.

“Të hënën para fillimit të samitit do të bëjmë bisedimet e fundit që ky takim të jetë një mesazh i fuqishëm për BE-në”, ka shtuar ai.