PSD me aksion kundrejt Donika Gërvallës, ia shkruajnë në veturë UÇK

42
psd-me-aksion-kundrejt-donika-gervalles,-ia-shkruajne-ne-veture-uck

Kryetari i PSD-së, Dardan Molliqaj ka njoftua se ne veturën e saj i kanë shkruar UÇK. Kjo vije pas deklaratave të saj se ka dërguar dosje në Speciale për disa nga ish-luftetarët e UÇK-së, transmeton Rahovec.net.

“Kurti pati thënë se nuk e pranon Gjykatën dhe nuk i dorëzon njerëzit. Pastaj tha se shteti duhet ta organizojë mbrojtjen. Tash ka nisur luftën speciale të propagandës”, ka shkruar ai.

Postimi i plotë:

Veturës së ministres së jashtme sot ia shkruajtëm mbishkrimin UÇK. Kosova nuk mund të ketë suksese në diplomaci nëse është e shpërfytyruar nga brenda. Kosova nuk ka ku shkon pa UÇK-në.

Kurti pati thënë se nuk e pranon Gjykatën dhe nuk i dorëzon njerëzit. Pastaj tha se shteti duhet ta organizojë mbrojtjen. Tash ka nisur luftën speciale të propagandës.

Në emër të transparencës Qeveria e ka dëmtuar mbrojtjen duke deklasifikuar pagesat për avokatët. Sikur në luftë, edhe sot e njëjta këngë. Po na tregojnë sa kushton UÇK-ja. Janë shumë vesh që duan ta bëjnë kalkulimin dhe koston argument. Ky regjistër është i njëjti që para luftës na i tregonte pasojat dhe rreziqet e luftës. Këtij veshi po i fryen Kurti sot. Kalkulimi është argument i frikës, i reaksionit. UÇK-ja është e guximit, e historisë. /Rahovec.net/