Krasniqi: Deklaratat e Mimoza Kusari-Lilës, përpjekje për ta dëshmuar veten para Albin Kurtit

49
krasniqi:-deklaratat-e-mimoza-kusari-liles,-perpjekje-per-ta-deshmuar-veten-para-albin-kurtit

Krasniqi ka shkruar në profilin e tij në Facebook se Kusari-Lila, të cilën e ka quajtur “zëdhënëse të përjetshme të pushtetit”, se e ka bërë këtë për ta hequr vëmendjen nga tentimi i GP të Vetëvendosjes që ta heshtë dhunshëm opozitën në Kuvend, transmeton Rahovec.net.

“Siç ndodh rëndom, të ligët kur s’kanë argumente, shpifin. Përveç nëse Mimoza ofendohet nga fjala “analfabet”. Nëse po, atëherë vërtet e paskam “ofenduar” ministren Shwartz. Sepse, ajo është absolutisht analfabete funksionale në lëmin e diplomacisë, gjë që po e shpërfaq çdo ditë në mënyrën më të turpshme, duke e goditur çdo vlerë të popullit e të shtetit tonë, sikur të ishte ministre e Serbisë, e jo e Kosovës”, ka shkruar Krasniqi.

Ai, po ashtu, ka thënë se Kusari-Lila është mish i huaj në VV dhe po bën përpjekje titanike që të dëshmojë lojalitet e militantizëm, ndërkohë që kjo parti ende po e mban atë vetëm si Ushtruese të Detyrës së Shefes së GP të VV.

“Andaj, le ta ushtrojë këtë detyrë derisa ta kalojë provimin tek Albin Kurti, por mirë bën që të provojë ta ruajë dinjitetin e saj gjatë kësaj rruge”, ka shkruar Krasniqi.

Më poshtë, statusi i plotë i Deputetit Memli Krasniqi:

Mimoza Kusari-Lila, kjo zëdhënëse e përjetshme e pushtetit, duke u munduar qe ta heqë vëmendjen prej tentimit të sotëm të grupit të saj për ta heshtur dhunshëm opozitën në Kuvend, e besa edhe për të na sulmuar fizikisht, paska shpifur kundër meje, se kinse e paskam ofenduar atë dhe koleget e saj. Siç ndodh rëndom, të ligët kur s’kanë argumente, shpifin. Përveç nëse Mimoza ofendohet nga fjala “analfabet”. Nëse po, atëherë vërtet e paskam “ofenduar” ministren Shwartz. Sepse, ajo është absolutisht analfabete funksionale në lëmin e diplomacisë, gjë që po e shpërfaq çdo ditë në mënyrën më të turpshme, duke e goditur çdo vlerë të popullit e të shtetit tonë, sikur të ishte ministre e Serbisë, e jo e Kosovës.

Ndërsa, Mimozën, edhe pse më dhimbset pak, deri diku e kuptoj. Në LVV ajo është mish i huaj dhe po bën përpjekje titanike që të dëshmojë lojalitet e militantizëm, ani pse ende nuk ia kanë besuar as pozitën e Shefes së Grupit Parlamentar, duke e mbajtur vetëm si “ushtruese të detyrës” tash e gati dy muaj. Andaj, le ta ushtrojë këtë detyrë derisa ta kalojë provimin tek Albin Kurti, por mirë bën që të provojë ta ruajë dinjitetin e saj gjatë kësaj rruge. /Rahovec.net/

Lexo edhe:

Parcela 792m2 për Ambasadën Gjermane që e dha Komuna e Prishtinës atakon pjesën gjelbëruese?