Policia e Kosovës ka konfirmuar një incident të ndodhur sonte pranë selisë qendrore të PDK-së.
Selia qendrore e Partisë Demokratike të Kosovës është rrethuar sonte nga policia.
Disa persona kanë shtënë me armë zjarri dhe kanë ikur nga vendi i ngjarjes, ka bërë të ditur zëdhënësja e Policisë së rajonit të Prishtinës, Flora Ahmeti për lajmi.net.
“Rreth orës 21:30 është raportuar për një gjuajtje me armë zjarri në rrugën “Fehmi Agani” në Prishtinë”, thuhet në njoftimin e saj.
“Informatat e para flasin për dyshimet se persona të dyshuar nga një veturë kanë shtënë në drejtim të një personi dhe me shpejtësi janë larguar nga vendi i ngjarjes. Fatmirësisht nga të shtënat nuk ka pasur persona te lënduar”, u shpreh ajo.
