Trajneri i Juventusit, Andrea Pirlo, e ka pranuar se Cristiano Ronaldo nuk mund të jetë më në murin mbrojtës të skuadrës gjatë goditjeve të lira, për shkak të një gabimi tjetër të portugezit në vendosje.
Juventusit i duhej me patjetër një rezultat i mirë kundër Parmës të mërkurën, pas humbjes kundër Atalantës një javë më parë.
Por bardhezinjtë e gjetën veten në disavantazh në pjesën e parë, pasi Gaston Brugman shënoi gol nga gjuajtja e lirë, para se Alex Sandro të shënonte dy herë dhe Matthijs de Ligt një herë për t’ia siguruar Juves një fitore me përmbysje 3:1.
Pas një vendosjeje të gabuar në mur që i kushtoi Juventusit me eliminim nga Liga e Kampionëve muajin e kaluar, Ronaldo bëri të njëjtin gabim edhe te goli i Parmës, duke e mbuluar fytyrën dhe duke u ulur poshtë.
Pirlo u pyet pas ndeshjes nëse 36-vjeçari do të largohet nga kjo detyrë.
“Fatkeqësisht, këto gjëra ndodhin. Ne duhet ta vlerësojmë këtë në ditët në vazhdim”, tha Pirlo.
The post Ronaldo nuk do të lejohet të qëndrojë më në murin mbrojtës të Juventusit appeared first on RahovecNET.
