Shqiptarët e Luginës së Preshevës presin nga Kurti t’i përfshijë në dialog

10
shqiptaret-e-lugines-se-presheves-presin-nga-kurti-t’i-perfshije-ne-dialog

“Kërkesat e qytetarëve të Luginës janë të shumtë në numër, por në veçanti e kemi kërkesën që edhe ne të përfshihemi në dialogun me Serbinë. Resursi më i rëndësishëm është resursi njerëzor”, tha Musliu në RTV Dukagjini.

Musliu thotë se Qeveria Kurti 1 kishte bërë disa hapa në drejtim të përmirësimit të gjendjes së shqiptarëve të Luginës.

“Qeveria Kurti 1  ka ndarë 500 mijë euro për të përmirësuar gjendjen e shqiptarëve të Luginës së Preshevës”, tha ai, përcjell Telegrafi.

Nënkryetari i Komunës së Bujanocit thotë se momentalisht problemi më i madh i shqiptarëve në Bujanoc është pasivizimi i adresave nga ana e autoriteteve shtetërore serbe.

Sipas Musliut edhe mosnjohja e diplomave vazhdon të mbetet një tjetër problem i këtyre banorëve.